LAOAG CITY – Nagpositibo iti gunshot residue test ti nagpabigbig a National Bureau of Investigation (NBI) Driver nga inarestar kagiddan ti shooting incident iti uneg ti Senado idi Mayo 13.
Ti nasao a damag ket kinumpirmaran ni Southern Police District (SPD) Chief PIO PLT. Margaret Panaga.
Nadakamat nga awan ti naala a paltog dagiti otoridad iti nasao nga indibidual no diket dagiti bala ken magazine laeng ti narekobre kenkuana.
Immunan a dinakamat ti Philippine National Police (PNP) a malaksid iti naarestar a lalaki ket adda pay ti im-imbestigaranda a sumurok-kumurang 10 nga indibidual a posible nga adda ti pakainaiganda iti napasamak a shooting incident iti uneg ti Senado.
Manarimaan ti pannakaberipikar dagiti nasao nga indibidual no dagitoy ket karaman kadagiti nagpaputok ti paltog, dagiti empleado wenno dagiti tattao nga adda laeng iti lugar.
Nagpanawagan ti Philippine National Police nga agbalin a kalmado mainaig iti insidente ken inkarina nga insigida nga iparuk-at ti resulta ti sibubukel nga imbestigasion.
