LAOAG CITY – Ballaigi a naisayangkat ti Annual Investment Plan (AIP) iti lokal a gobierno ditoy siudad ti Laoag.
Inbatad ni Mayor James Bryan Alcid a daytoy ket importante tapno ad-adda a komprehensibo iti pannakaimplementar a nasayaat dagiti programa iti siudad.
Kinunana a ditoy a nairepresentar dagiti plano ti tunggal opisina tapno maadal iti pannakaimplementarna nga inatendaran dagiti nagduduma nga opisial, department ken division heads.
Innayonna a napateg ti AIP gapu ta daytoy ti pagibasaran ken pakaipresentaran dagiti programa ken direksion ti maysa a Local Government Units kas koma ti Laoag City Government para ti panagdur-as ken pagsayaatan dagiti umili.
