LAOAG CITY – Nalappedan ti Rain or Shine ti TNT Tropang Giga iti iskor a 110-109 tapno maliklikan ti 0-3 a bentahe iti agtultuloy a PBA Governors Cup.
Gapu iti panangabak ket addaan ti maysa a panangabak ti Rain or Shine idinto nga addaan ti dua a panangabak ti TNT iti best of seven semifinals iti ay-ayam a naiyuswat iti Dasmarinas City Arena.
Nagbalin a tulbek ti panagballigi ti Elasto Painters ni Aaron Fuller a nakairekord ti 26 points ken 15 rebounds.
Nakaaramid ti 20 points ni Leonard Santillan, 15 points ti nainayon ni Jhonard Clarito idinto a dagiti rookie nga isuda Felix Lemitti ket addaan ti 11 points ken 10 points met ni Adrian Nocum.
Gapu iti daytoy, naragsakan ni Rain or Shine coach Yeng Guiao ti kinalaing dagiti umaayamna gapu ta saanda a kayat a ma-sweep a napasamak iti napalabas a semis a nai-sweep-da ti San Miguel Beermen.
Nasayang ti naaramid a 27 points ni Poy Erram ken 23 points ni Rondae Hollis-Jefferson para iti TNT.
