LAOAG CITY – Inbatad ni House Impeachment Prosecutor Rep. Terry Ridon nga awan ti pagibasaran ti alegasion nga adda “pre-determined narrative” iti impeachment trial ni Bise Presidente Sara Duterte.
Daytoy ket kalpasan ti inrakurak ni Davao City 1st District Representative Paolo Duterte a ti namnama ti kabsatna nga “speedy” nga impeachment proceedings ket saan a kayatna a saien ti speedy surrender to a pre-determined narrative”.
Patien ni Ridon nga ad-adda a kasapulan ti pisikal a kaadda ni Duterte iti impeachment trial, gapu ta umad-adu dagiti saksi a mangpaneknek kadagiti alegasion kadagiti articles of impeachment.
Kinuna ni dati nga OVP Special Disbursing Officer Gina Acosta iti Senate Impeachment Court nga imbilin ni Duterte nga iyakarna ti P125 million a confidential funds ken ni Col. Raymund Dante Lachica idi Disiembre 2022.
Kabayatanna, binabalaw met ti House Impeachment Prosecutor ti kinuna ni dati a Presidential Legal Counsel Salvador Panelo a dagiti saksi a naidatag ti prosecution ket “worthless” ken “useless”.
Target ti prosekusion a malpas ti panangidatagna kadagiti ebidensia inton ngudo ti Setiembre.
Sarunuen daytoy ti panangidatag dagiti ebidensia ti defense team.
