LAOAG CITY – Inbatad ni House Deputy Minority Leader ken Akbayan Party-list Rep. Perci Cendaña ti panangipetteng ti abogado ti defense council a mabalin ti misleading questions iti korte ket mangipakita ti kinaawan ti babain na.
Segun kenni Cendaña, ti nadakamat a statement iti impeachment trial ti defense counsel ni Bise Presidente Sara Duterte a ni Atty. Kristine Ferrer, saan laeng nga estratehia wenno taktika.
Nalawag ken ni Cendaña a dagitoy ket values wenno ugali a pagtaktakderan ti opisina ken personalidad ni VP Sara.
Inpetteng ni Cendaña a daytoy ti mangipakita a para iti kampo ni VP Sara, no saan a pabor kadakuada ti kinapudno – ti solusionda ket ti panangyaw-awan wenno panangallilaw ken panangriro kadagiti umili.
