LAOAG CITY – Magagaran ken nasapa a naturog iti rabii ni Atty. Mark Dave Magaoay Camarao tapno makapagsagana ti ibilang na a big day iti daytoy nga aldaw a panagsapata na kas bario nga abogado.
Iti facebook account ni Camarao, adu manen a papagayam na dagiti nangkablaaw kenkuana para iti suramo a turong ti biag kalpasn ti oath taking.
Nalaos ti panagyaman ni Atty Camarao kadagiti nangkablaaw kenkuana manipud iti pamilya, kabagyan iti nagadalan na ken daigti papagayam na.
Naamuan nga adda ti nakasagana a get together party manipud kadagiti papagayam na ken katrabaho para kenni Atty. Camarao iti daytoy a lawas ken sumarsaruno nga aldaw.
Maipalagip a ni Atty Camarao ket Rank number 6 iti naangay a Bar Examination idi tawen 2016 ken maikatlo a naibilang a topnotcher iti probinsya no sadino nga immuna ni dati a Preidente Ferdinand Marcos ken maikadua ni First District Cong. Rodolfo Fariñas.
