LAOAG CITY – Nagballigi ti naisayangkat a taripnong ti City Water Resources Management Board (CWRMB) ken Water Quality Monitoring Unit (WQMU) ditoy ciudad ti Laoag.
Segun kenni Mrs. Mylene Pascual, ti mangidadaulo iti City Environment and Natural Resources, iti naiyuswat a taripnong ket napagsasaritaan dagiti wagas tapno masaluadan ti water resources ditoy ciudad.
Inpakaammo na a karaman dagiti nakipaset iti taripnong ket dagiti nagduduma a departamento ken opisina iti gobierno lokal ditoy ciudad kas ti Department of Environment and Natural Resources, Department of Science and Technology, Department of Health, Ilocos Norte Water District, National Irrigation Administration, Prime Water, Mariano Marcos State Uiversity, Bureau of Fisheries and Aquatic Resources, National Government Organization ken CFARM.
Kabayatanna, a kalikagum ti city government a masaluadan, mataginayon, awan polusyon ken nadalus dagiti paggapuan ti supply ti danum ditoy siudad aglalo ita a panawen ti kalgaw.
