LAOAG CITY – Inpakaammo ni Mrs. Mary Jane Leaño, mangidadaulo ti City Tourism Office ditoy siudad ti Laoag nga awan ti nagbaliwan iti rate dagiti 4X4 ken dagiti hotels iti baet ti oil crisis a mapaspasaran ditoy pagilian.
Segun kenkuana, agar-aramidda dagiti nagduduma nga aktibidad tapno maallukoy dagiti turista nga agturong ken agpasiar ditoy siudad.
Inbatadna a manarimaan ti panagplanoda kadagiti nagduduma a programa ken aktibidad para iti summer wenno panawen ti kalgaw a maisayangkat iti sand dunes.
Innayonna pay nga iti baet ti oil crisis ket adda latta dagiti turista nga agpasiar iti sand dunes tapno padasen ti 4X4 ken sandboarding.
