LAOAG CITY – Nagpositibo iti Paralytic Shellfish Toxin (PST) ti shellfish samples manipud iti coastal waters ti Panguil Bay partikular idiay Tangub City, Misamis Occidental, basar iti Bureau of Fisheries and Aquatic Resources (BFAR).
Inbatad ni Bureau of Fisheries and Aquatic Resources Region 10 Director Edward Yasay a ti kumpirmasion ket basar iti panangtingiting nga inwayat ti National Fisheries Laboratory Division ti Bureau of Fisheries and Aquatic Resources Central Office babaen ti Receptor Binding Assay method.
Iti opisial a red tide advisory, inballaag ti Bureau of Fisheries and Aquatic Resources ti pangta iti salun-at ti tao ken shellfish industry ken inabisoan ti publiko a liklikan ti panaglako ken pannangan ti amin a klase ti shellfish ken Acetes species manipud iti Panguil Bay.
Kuna ni Yasay a ti ikan, pusit, kappe ken udang ket natalged a sidaen basta dalusan a naimbag ken lutoen a nasayaat.
