LAOAG CITY – Nangabak ti maysa a lalaki iti Illinois ti $1 million lottery jackpot manipod iti ticket a naawat na kas regalo iti gift birthday party na.
Basar iti saanen a nainaganan a lalaki, nangisagana ti asawa na ti dakkel a pasken para iti kasangay na, ken kabayatan ti selebrasyon ket inyawat ti pgayam na ti maysa nga envelop a nakaipalaonan ti naruay a lottery tickets.
Kuna na nga idi inawat na ti nasao nga envelop ket saanna pulos a ninamnama a mangabak ti lotto aglalo ket saan met nga agtaytay iti unos ti panagbiagna.
Inlawlawag na a ti inpagarop na ket nasurok laeng sangribo a dolyar ti inabak na, ngem iti panagturong da iti asawa na iti lotto store ket napalalo ti kigtot da nga agasawa idi naipakaammo kadakuada a $1 million ti inabak na.
Innayon na nga iti panangabak na ti dakkel a kantidad ket ti manen panpanunuten na ket no ania ti mabalin a mapasamak kenkuana iti masangwanan.
