LAOAG CITY – Inbutaktak ni Asia’s Songbird Regine Velasquez-Alcasid ti manamnama nga ipakitana kadagiti fans-na ti ‘intimate look’ iti biag ken career-na iti babaen ti documentary na a napauloan “SONGBIRD” no sadinno maipabuya daytoy inton sumaruno a tawen, 2027.
Kunana a paset daytoy ti selebrasion iti maika-40 nga anibersariona iti entertainment industry.
Malaksid iti anunsiona, nangiparuk-at daytoy ti teaser video a nangipakita ti panagsagana iti concert-na inton Oktobre.
Kabayatanna, naragsakan dagiti long-time supporters-na ken nagbalin nga emosional gapu iti panagbuyada iti video teaser ni Regine.
