LAOAG CITY – Inrakurak ni Presidente Ferdinand Marcos Jr. nga ad-adalen ti Regional Tripartite Wage Boards ti posible a pannakaipangato ti sueldo ti tunggal rehion no sadinno a manamnama a rummar dagiti rekomendasion inton Setiembre wenno Oktubre.
Inbatad ni Marcos a tingtingitingen dagiti wage board ti presio dagiti magatang, kasasaad iti ekonomia iti tunggal rehion tapno maammoan no iti agdama a wage rates ket umno wenno kasapulan nga ingato.
Kunana nga iti inaprobaran nga PHP85 daily minimum wage increase para kadagiti agtrabtrabaho iti National Capital Region a maipatungpal iti dua a tranche: PHP60 mangrugi inton Hulio 19, 2026 ken iti nabati a PHP25 ket mangrugi inton Enero 20, 2027.
Gapu iti wage adjustment iti NCR, agbalin a PHP780 ti daily minimum wage dagiti non-agriculture workers ken PHP743 met iti minimum wage dagiti agricultural workers ken mangmangged iti retail wenno service establishments nga addaan iti 15 agpababa nga empleado.
