LAOAG CITY – Inlawlawag ni House Justice Committee Chairperson Gerville Luistro a saan a gagem ti impeachment hearings nga ibabain ni Vice President Sara Duterte no diket paset daytoy ti proseso tapno maammoan no adda ti probable cause ti reklamo.
Segun kenkuana, responsibilidad ti komite a mangiwayat ti clarificatory hearings ken agusar ti subpoena no kasapulan tapno matingiting ti ebidensia.
Inbatadna a saan daytoy a full trial no diket preliminary stage pay laeng ti impeachment process.
No adda ti makita nga umdas a pagibasaran, isubmitir ti reklamo iti plenario ti Kamara de Representantes ken mabalin nga ipasa iti Senado para iti impeachment trial.
No ibasura met, mabalin latta daytoy nga aprobaran wenno baliktaren ti plenario ti desision ti komite.
Inpetteng ni Rep. Luistro a ti impeachment ket maysa a constitutional mechanism ti panagsungbat dagiti opisial iti babaen ti demokratiko a sistema.
