LAOAG CITY – Awan ti aniaman a papel ken awan ti aniaman a pammilin nga ipapaay ti liderato ti Kamara de Representantes mainaig iti proseso ti impechment kontra ken ni Vice President Sara Duterte.
Inbatad ni House Majority Leader Rep. Sandro Marcos a saan a kasapulan nga agaramid ti aniaman nga addang ti liderato ti Kamara de Representantes mainaig iti impeachment proceedings.
Inlawlawagna a nalalaing dagiti kongresista a tumaktakder a prosecutors iti impeachment case kontra ken ni Vice President Duterte isut gapuna nga ammoda ti aramidenda.
Inpettengna a nalaing pay ti lead prosecutor a ni Batangas Rep. Gerville Luistro isu a sigurado a maimatonanna ken matarabayan daytoy iti biang ti prosekusion.
Suportado ni Marcos ti ilunglungalong ti prosecution nga usaren ti pagsasao a Filipino iti impeachment trial tapno ad-adda a maawatan dagiti ordinaryo Pilipino.
