LAOAG CITY – Naikeddeng nga iprisentar ti House prosecution panel ti baro nga ebidensia iti panagadu ti baknang ni Vice President Sara Duterte nga awan iti Statements of Assets Liabilities (SALN) daytoy ken ti asawana manipud 2007 agingga 2024.
Daytoy ti inbutaktak ni Bicol Saro Partylist Rep. Terry Ridon, miembro ti prosecution team iti panangirubuat ti Bantay Impeachment iti Claret School iti University of the Philippines Village idiay Quezon City.
Inbatadna nga agsagsaganan ti prosecution panel nga isubmitir daytoy iti pretrial brief iti Senate impeachment court no sadinno a ditoy a tingitingen dagiti ebidensia, testigo ken dagiti isyu iti panangusig.
Kunana a daytoy nga ebidensia ket baro ken saan a naidatag iti House prosecution ti proceedings iti Justice Committee isut gapuna a maidatag daytoy iti pretrial.
