LAOAG CITY – Sinungbatan ni Davao City Rep. Paolo “Pulong” Duterte ti pammabalaw ti dadduma a kritiko a nasken a saanen nga awaten ti sabali a pagilian ti nakabalud a ni dati a Presidente Rodrigo Duterte.
Inbatadna a saanda a mababalaw gapu ta kalikagumda laeng ti para iti pagsayaatan ti amada.
Immunan a nagkiddaw ti kampo ti dati a Presidente ti interim release gapu ta adda ti sabali a pagilian ti agkalikagum a mangtulong kenkuana.
Nagyaman daytoy kadagiti supporters ken nagpanawagan nga ikararagan ti salun-at ti amana.
Ti agpanpanday linteg ket agdama nga adda idiay The Hague, Netherlands tapno bisitaen ti amana a nakabalud pay laeng sipod idi Marso gapu iti crime against humanity.
