LAOAG CITY – Ilunglungalong ti maysa a medical expert ti panangiraman ti reproductive health education iti basic education curriculum gapu iti panagado dagiti ubbing a Pilipino a makapaspasar ti cervical cancer.
Segun ken ni Dr. Nelinda Catherine Pangilinan, mangidadaulo ti Specialty Center ti Rizal Medical Center, saan laeng a maipanggep ti pannakipagnaig ti reproductive health no diketdi, karaman pay daytoy ti umno a panangtagiben iti bagi.
Inbatad ni Dr. Pangilinan a manarimaanen nga adda dagiti nirekord a pasiente nga agtawen 20 a na-diagnoe nga addan ti cervical cancer no sadinno ket sumagmamno kadakuada ket nangrugi a nakipagnaig iti tawenda a 14 ken naaddaandan ti tallo wenno nasursurok pay a sexual partners.
Inlawlawag ni Pangilinan a ti cervical cancer ket dulot ti nabayag nga impeksion gapu iti human papillomavirus (HPV).
