LAOAG CITY – Balligi a nangabak ti Republican candidate a ni Donald Trump kas Presidente ti Amerika kontra ken ni US Vice Pres. Kamala Harris.
Daytoy ket kalpasan a nakagun-od ni Trump ti 277 nga electoral votes idinto a ni Harris ket 226 electoral votes.
Ni Trump ti maika-47 a Presidente ti pagilian nga Amerika.
Nangabak daytoy iti uppat kadagiti pito a swing states kas iti Georgia, Pennsylvania, North Carolina ken Wisconsin, ken lamang pay isuna iti Arizona, Michigan ken Nevada.
Maipalagip nga idi 2020 ket nangabak ni Biden iti estado ti Pennsylvania ngem ita a tawen ket naala manen ni Trump nga addaan ti 19 nga electoral vote.
Iti met estado ti Georgia ket naala manen ni Trump kalpasan nga idi 2020 Election ket nangabak ditoy ti Biden, ti kaunaan a gundaway iti uneg ti 30 a tawen.
Mainaig iti daytoy, nagyaman ni Trump kadagiti amin a simmuporta kenkuana bayat ti panagbitla na iti West Palm Beach idiay Florida.
Segun kenni Trump, daytoyen ti maibilang a golden age ti Amerika ken inawagan na ti panangabak na kas “massive victory for democracy and freedom.”
Inbatad na a daytoyen ti gundaway tapno pagbalinen ti pagilyan da a nadur-as ken nataltalged babaen iti panagkaykaysa da.
Linagip pay ni Trump dagiti inbaga kenkuana dagiti tattao nga insalakan ti Diyos ti biag na kalpasan ti assassination attempts iti rason a isalbar na ti Amerika.
Kabayatanna, inrakurak ni Cedric Richmond, ti campaign co-chair ni Harris manamnama met ti panagbitla ti bide president iti Howard University.
