LAOAG CITY – Adda pay laeng ti panagamak dagiti residente iti Barangay Madiladig ditoy ciudad ti Laoag gapo iti saan pay a pannaka-ala ti maysa a residente ti nasao a barangay a naggapo idiay Metro Manila ken nangiyawid ti anak na a natay gapo iti guillain burre syndrome wenno ti panagkapsot ti immune system.
Daytoy ti kinumpirmaran ni Brgy Chairman Pedro Manuel iti nasao a barangay.
Immuna ti daytoy, inbatad ni Manuel nga inkari ti CHO ditoy ciudad a mapan da alaen ita nga aldaw ti nasao nga indibidual gapo ta parte daytoy iti procedure wenno protocol dagiti agawid ditoy probinsya, ti anag-quarantine da.
Nupay kasta, agpapan maisursurat ti damag ket saan pay a nagpakita dagiti kameng ti CHO iti barangay da tapno alaen dagiti kameng ti CHO tapno maiquarantine ti nasao nga indibidual.
Mainaig iti daytoy, inpakaammo ti kapitan nga addan ti mandar na kadagiti maseknan a nakipinnulapol iti simmangpet nga ina manipod ti Metro Manila.
Inpetteng ti nasao nga opisyal a masapol nga ag-quarantine met dagiti nadakamat nga indibidual gapo ta nu adda ti problema ket saan a mairamraman dagiti kabarangay da.
Kabayatanna, inbatad ni Dr. Renato Mateo, mangidadaulo ti City Health Office a masapol a ma-quarantine latta ti simmangpet nga indibidual kadagiti designated quarantine centers ditoy ciudad.
Inbatad na a mabalin na ti bumisita ti minatay da laketdi awan ti mapan makipulapol a sabali nga tao nu adda iti nasao nga lugar.
Innayon na a ti nasao a tao ket assymptomatic wenno awan ti sintomas na ti COVID-19 rason a mapalubusan latta a mapan iti balay da tapno kitaen ti minatay da.
