LAOAG CITY – Kalikagum ti maysa a residente ti Barangay Calayab ditoy siudad ti Laoag a ni Mrs. Livereta Hernandez a mapatalaw dagiti agkaskasera iti loteda.
Segun kenkuana, awan ti karbengan dagiti maseknan a mapatpatalaw a mangipawil iti panangilakoda ti sumagmamano a paset iti loteda nangruna ket saan met a karaman a mailako ti puesto a nakaipatakderan ti pagnanaedanda.
Inbatadna a no adda dagiti agkalikagum a gumatang iti daga ket maipagarup nga ipawilda pay.
Inlawlawagna a saanna nga ammo a nagipatakder dagiti agnanaed iti loteda ti pagtaengan.
Kunana a no adda ti maiwayat a panagsasaritada iti barangay ket saan met nga agat-atendar dagiti maseknan.
Innayonna nga adda ti itedda a demand letter kadagiti agkaskasera ngem saanda nga inawat daytoy.
Maipalagip nga adda ti maysa a pamilia a gagemda a saan a mapatalaw iti pagnanaedanda iti baet nga agkaskaserada laeng dagitoy.
