LAOAG CITY – Nangipasa ni Senador Panfilo “Ping” M. Lacson ti dua a gakat a gagemna nga ipangato agingga 57 manipud 56 ti compulsory retirement age dagiti uniformed personnel ti Philippine National Police (PNP), Bureau of Jail Management and Penology (BJMP) ken Bureau of Fire Protection (BFP).
Kuna ni Lacson nga iti Senate Bills 2395 ken 2396 ket mangipaay ti wagas para iti panagbaliw tapno ad-adda a magun-od ti tallo nga ahensia ti expertise, leadership ken insititutional knowledge dagiti nangangato nga opisial kabayatan a maipaayanda ti nayon a panawen tapno maipasa dagiti ammoda kadagiti naub-ubing a personnel.
Inbatadna a ti a gagem ti Senate Bill 2396 nga ingato iti 57 ti compulsory retirement age dagiti miembro ti Bureau of Jail Management and Penology (BJMP) ken Bureau of Fire Protection (BFP).
Maiyataday ti nadakamat a gakat kadagiti naaramid a nagbaliwan iti compulsory retirement age dagiti miembro ti Armed Forces of the Philippines (AFP).
Kuna ni Lacson kas Chief ti Philippine National Police idi tawen 1999 agingga 2001, iti agdama ket addaan ti 230,410 nga uniformed personnel ti Philippine National Police kabayatan nga addaan ti 26,000 ti Bureau of Jail Management and Penology (BJMP) personnel ken 41,286 ti Bureau of Fire Protection (BFP).
Kabayatanna, gagem ti Senate Bill 2395 nga amendaran ti retirement age para kadagiti Philippine National Police personnel iti tawen a 57.
Nupay kasta, gagem ti Senate bill 2396 nga iraman ti uniformed personnel ti Bureau of Jail Management and Penology (BJMP) ken Bureau of Fire Protection (BFP) kadagiti compulsory retirement age ket agbalin a 57.
Iti babaen ti naisingasing nga amendaran ket palubusan ti Commission nga agtalinaed iti serbisio iti maysa pay a tawen no ti maysa nga opisial ket adda ti ranggona a chief superintendent, director wenno deputy director general.
