LAOAG CITY – Naiget a naglikudan ni dati nga House Speaker ken Leyte Representative Martin Romualdez dagiti rimmuar a report a mangibagbaga a maipagarup nga adda ti pakainaiganna iti Maharlika Investment Fund.
Iti maysa nga statement, inrakurak ni Romualdez a supsuportaranna iti Maharlika Investment Corporation (MIC) iti panangkondenar kadagiti saan nga husto nga impormasion ken awan ti pangibasaran a pammabasol a nagwaras iti online.
Inpetteng ni Romualdez a saan pulos daytoy a nakisarita, nakitaripnong wenno nakikoordinar iti asinoman nga adda ti pakainaiganna kadagiti panagpuunan, advisory roles wenno aniaman a desision nga adda ti pakainaiganna iti panangimaton ti Maharlika Wealth Fund.
Basar iti agwarwaras a report, ti convicted fraudster a ni Patrick Mahoney ket agsubli-subli ditoy pagilian gapu ta maigarup daytoy nga adviser ti Maharlika Investment Corporation.
Maikonkonektar pay ni Mahoney ken ni dati nga Speaker Romualdez.
