LAOAG CITY – Inbutaktak ni Rufa Mae Quinto, agtawen ti 46, a saan da pay a nagkapia kenni Jessa Zaragoza, agtawen ti 45, kalpasan ti “word war” da iti telebisyon, addan 16 a tawen ti napalabas.
Nupay kasta, para ken ni Ruffa ket saannan a kalikagoman a makapagkapia da pay ken ni Jessa gapu ta awan ti rumbeng a maurnus iti nagbaetan da a dua.
Maipalagip a tawen 2008 idi napasamak ti “word war” dagiti dua no sadinno a karaman ditoy ti asawa ni Jessa a ni Dingdong Avanzado.
Segun ken ni Rufa Mae, naaddaan da ti relasyon kenni Dingdong sakbay a nakarelasyon ti singer ni Jessa.
Inpakaammo ni Ruffa a sipud napasamak ti panagsubang da ken ni Jessa idi 2008 ket saan pay a nagkrus ti dalanda.
Mainaig iti daytoy, inpasigurado ni Ruffa a nakamove on daytoyen ken patienna kastoy met ti napasamak ken ni Jessa gapu ta nabayagen daytoy ken addan dagiti annak da.
