LAOAG CITY – Awan ti nagbalin a napintas a resulta ti panagtataripnong dagiti pannakabagi ti Russia ken Ukraine idiay Switzerland.
Ti nasao a taripnong nga inorganisar ti Estados Unidos ket isu ti maikatlon ita a tawen a ti immuna ket naisayangkat idi Enero idiay Abu Dhabi.
Inbatad ni Ukrainian President Volodymyr Zelensky a saan a nagbalin nga alisto ti negosasion.
Inaramid ti Ukrainian President ti rakurak kalpasan a nakasaritana ti negotiating team a nagatendar.
Immunan nga inakusaranna ti Russia a saan nga umannugot kadagiti napagsasaritaan iti negosasion.
Adda ti sumagmamano a nabalbaliwan iti napagnunumoan iti taripnong kas ti panangipaima ti Russia iti Ukraine dagiti sinakupda a daga.
Mamati daytoy a kadagiti sumaruno nga aldaw ket maaddaan manen ti panagsinnarita iti nagbaetanda ti Russia.
