LAOAG CITY – Maysa laengen a panangabak ti kasapulan ti San Antonio Spurs tapno makastrek iti semifinals ti western conference iti agtultuloy a 2026 Playoffs.
Dinomina ti grupo ti Game 4 kontra iti Portland Trailblazes, usar ti episyente a second-half performance, iti iskor nga 114-93.
Iggem ti Portland ti 17 points a lamang iti panagleppas ti 2nd quarter, iti iskor a 58-41, ngem dagus a nakakamat ti Spurs iti 3rd quarter.
Iti panagleppas iti nasao a quarter, naitabla ti score iti 74.
Saan a nalapdan ti Blazers ti momentum ti San Antonio ken naan-anay a dimmakkel ti lamag ti naud-udi kalpasan a nakaiserrek ti 40 big points iti intero a 4th quarter idinto nga umabot laeng iti 19 points iti Portland.
Iti panagsubli ti Spurs bigman a ni Victor Wembanyama, dagus a nakaaramid ti double-double performance a 27 points ken 11 rebounds.
Agsubli ti San Antonio ti Game 5 a maysa a do-or-die game.
