LAOAG CITY – Kiniddaw ti Sandiganbayan 3rd division ti 30-calendar days extension mangrugi ita nga aldaw, Hunio 6 tapno maresolbar ti petitions for bail ni dati a Sen. Ramon “Bong” Revilla Jr. ken dadduma pay a sumangsango iti malversation case mainaig iti flood control scandal.
Maipalagip nga idi kalman, Hunio 5 ti deadline ti umuna a 30-day review.
Nupay kasta, nagkiddaw ti maikatlo a dibision ti Sandiganbayan ti nayon a panawen a maysa a bulan tapno matingiting pay ti petision.
Ni Revilla ken innem a padana nga akusado ket sumangsango kadagiti kaso mainaig iti P92.8 million ghost flood control project idiay Pandi, Bulacan.
Immunan a nakapiyansa ni Revilla ti P90,000 para iti graft case daytoy.
