LAOAG CITY – Inbilin ti Sandiganbayan iti Criminal Investigation and Detection Group (CIDG) ken dagiti opisyal ti PNP General Hospital nga ikabil ni Senador Rodante Marcoleta iti Philippine General Hospital (PGH) para iti maysa a medical examination.
Inparuk-at ti Sandiganbayan Third Division ti pamilin nga ikabil ni Senador Marcoleta iti PGH ita nga aldaw ti Martes tapno dumalan iti medical examination.
Basar iti pammilin ti korte, ikabil dagiti kameng ti Criminal Investigation and Detection Group o CIDG ken dagiti opisyal ti PNP General Hospital ni Marcoleta iti PGH iti oras ti alas-12 ti pangaldaw.
Binilin met ti Sandiganbayan dagiti doktor a mangisumitir ti resulta ti eksaminasyon ken sumango iti korte iti pasado alas-8:30 ti bigat intono Miyerkules tapno ilawlawag ti nagbalin a findings da.
Kalpasan ti medical examination, isubli ni Marcoleta iti PNP General Hospital ken isango manen iti Sandiganbayan intono Miyerkules.
