LAOAG CITY – Kalikagom ni Sang. Panlungsod member Jaybee Baquiran a maikkan ti rotonda iti bypass road iti paset ti Vintar road, gapu ta patien na a mabalin a mangitunda daytoy ti desgrasya no saan a maikkan daytoy.
Daytoy ti rason a kalikagom na pay a suratan ti biang ti Department of Public Works and Highways a bisitaen da ti lugar.
Mainaig iti daytoy, ket inbatad met ni Vice Mayor Carlos Fariñas a maadal pay laeng a nasayaat ken umuna maipaima iti committee on public works ken transpotation a ni Sang. Panlungsod Bryan Alcid.
Inkumparar pay ni Vice Mayor Fariñas nga awan met ti naipasdek a rotonda iti bypass road iti paset ti Barangay Buyon iti ili ti Bacarra.
Iti met palawag met ni Alcid, a no nailet ti dalan ket saan a mabalin gapu ta masapol ti 30 a metro tapno maikkan ti rotonda ti maysa a dalan.
