LAOAG CITY – Nakaawat manen ti baro a pammadayaw ti Pinoy group nga SB19.
Daytoy ket kalpasan nga immuna ti kantada a “DAM” iti Billboard World Digital Song Sales.
Gapu iti daytoy, isuda ti umuna a Pilipino a nakagun-od ti nasao a rekord.
Ti World Digital Song Sales ket maibasbasar iti kangrunaan a downloaded a kanta iti intero a lubong iti kada lawas.
Iti online account ti grupo ket nagyamanda kadagiti fans dagitoy.
Naammoan a ti nasao a kanta ket inruar ti grupo idi Pebrero 28 nga agserserbi kas pre-release ti extended play a “Simula At Wakas.”
