LAOAG CITY – Pimmusay kabayatan a maag-agasan iti ospital ni Sang bayan member Arlene Ruadap iti ili ti Vintar.
Daytoy ti kinumpirmaran ni Mr. Erwin Suguitan, ti pannakangiwat iti gobierno lokal iti nasao nga ili.
Segun ken ni Suguitan, itay pay napan a tawen nga adda iti ospital ni Konsehal Ruadap.
Inpakaammo met ni Vice Mayor Amador Victor Racimo a pimmusay ni Ruadap gapu iti cardiac arrest.
Ni Ruadap ket immuna a nagserbi kas Municipal Planning and Development Coordinator iti ili ti Vintar sakbay a nagpaidasig a para konsehal no sadinno a nalpas na ti tallo a termino na.
Naamoan a kalpasan a nalpas ni Ruadap ti termino na ket naginana ken idi 2021 ket nagpila ti Certificate of Candidacy (COC) na a para koma konsehal iti ili ti Vintar iti May 9, 2022 elections.
Gapu iti pannakatay ni Ruadap ket agladladingit iti agdama, saan laeng a ti pamilya na no di ket iti sibubukel nga ili ti Vintar.
