LAOAG CITY – Mamati ni DENR Sec. Roy Cimatu nga usto ti addang ti gobyerno mainaig ti panangpaawid dagiti overseas Filipino workers (OFWs) kabayatan ti tensyon iti nagbaetan ti Iran ken Amerika.
Ni Cimatu ket agserbi pay nga special envoy to the Middle East, ken nagturongen idiay Iraq babaen ti connecting flight idiay Doha, Qatar.
Segun kenni Cimatu, basar iti pakammo kenkuana ket addaan ti 1,600 a Pilipino dagiti kayat na ti repatriation.
Kuna na a maipatungpal ti repatriation dagiti Pilipino iti tunggal pagilian iti Middle East nupay agtanang ti Amerika ken Iran.
Immapela ni Cimatu nangruna kadagiti pamilya dagiti undocumented OFWs idiay Iraq a gundawayan da ti repatriation ti gobyerno.
