LAOAG CITY – Napawilan ni Secretary General of the United Nations, António Guterres a sumrek iti Israel gapu iti nagbalin a komento na iti ballistic missile bombardment ti Iran.
Iti statement, inawagan ni Israeli Foreign Minister Israel Katz ni Guterres kas “anti-Israel secretary-general” a mangsupsuporta kadagiti terorista.
Immuna iti daytoy, kalpasan ti panagipabanto ti Iran ti agarop 180 a missiles kontra iti Israel ket inbatad ni Guterres a kondenaren na ti pannakapalawa ti susik iti Middle East ken rumbeng a maisardeng.
Innayon na a ti rehiyon ket kasapulan na ti naan-anay pannakaisardeng ti pinnutok ngem saanna a dinakamat ti panagraot ti Iran.
Gapu iti daytoy, indeklarar ni Katz ti United Nations secretary general kas persona non grata, ken siasinno man a saan a mangkondenar iti inaramid a panagatake iti Israel ket awan ti karbengan da nga agturong iti sadinno man a paset ti Israel.
