LAOAG CITY – Naiget ti panangkondenar ni Senador Chirstopher “Bong” Go ti nalabes a panangipakita ti puersa ti Philippine National Police (PNP) iti panangbiruk daytoy iti Kingdom of Jesus Christ compound idiay Davao City.
Nagtitipon dagiti kameng ti Philippine National Police iti Kingdom of Jesus Christ compound idiay Davao City tapno iserbi ti warrant of arrest ken ni Quiboloy a sumangsango iti kaso nga human trafficking ken sexual abuse.
Maysa a miembro ti Kingdom of Jesus Christ ti natay iti operasion ti pulisia gapu iti pannakaatake iti puso.
Inpetteng ni Go, saan nga overkill nga adda ti madangran nga ordinario nga umili nangruna iti uneg ti simbaan.
Suportado ti senador dagiti uniformed personnel ngem masapol nga aramidenda iti umiso a wagas ti panagtrabahoda.
Nakipagladingit ni Go iti pamilia ti pimmusay ken nadangran no sadino dinakamatna a napateg ti trabaho dagiti pulis ngem masapol met a kitaen ti kinapateg ti kinatalged dagiti umili.
