LAOAG CITY – Nakasagana ni Sen. Ronald “Bato” dela Rosa a sumango kadagiti pannakabagi ti International Criminal Court (ICC) no ti laeng gagemda ket mainterbyu isuna.
Segun ken ni Dela Rosa, nakasagana isuna a makisarita ken sungbatan dagiti saludsod kenkuana.
Nupay kasta, inlawlawag ni Dela Rosa a saan a kayatna a saoen a bigbigbigenna ti hurisdiksion ti International Criminal Court kenkuana.
Inpalgakna nga agsakit ti nakemna no bilang nagbaliwen ti “policy direction” ti gobierno ken makitinnulong iti International Criminal Court maipanggep iti imbestigasion ti war on drugs iti napalabas nga administrasion.
Inpettengna ti dinakamat ni Presidente Ferdinand Marcos Jr. nga awan ti karebbengan ti International Criminal Court a mangiwayat ti imbestigasion ditoy Pilipinas.
Kabayatanna, naammoan nga awan ti plano ni Dela Rosa a makikappeng iti New People’s Army no bilang maipit isuna gapu ta adu met ti kalabanna iti nasao a grupo a pumatay kenkuana.
