LAOAG CITY – Nagpanawagan ni Senator Imee Marcos iti baro a liderato nga idadauloan ni Senate President Alan Peter Cayetano nga insigida nga ituloy iti imbestigasion ti Blue Ribbon Committee mainaig iti maipagarup a flood control corruption scandal.
Ginutigotna pay ti komite nga idadauloan ni Senator Pia Cayetano a paayaban dagiti personalidad a karaman iti kontrobersia.
Karaman kadagiti innagananna ket ti 18 a dati a Marines, dati a kongresista a ni Zaldy Co, dati nga Executive Secretary Lucas Bersamin, ken ni dati nga undersecretary Adrian Bersamin.
Ti panawagan ket kageddan ti agtultuloy a diskusion iti Senado mainaig iti transparency ken accountability kadagiti proyekto ti gobierno, kangrunaan iti maipagarup a iregularidad ti flood control programs.
