LAOAG CITY – Maaddaan dagiti Casual wenno contractual workers nga adda lima a tawen iti trabaho ti gundaway nga agbalin a regular nga empleado ken makaala ti benefits nu bilang mapagbalin a naan-anay a linteg ti Senate Bill (SB) No. 234 nga inipila ni Senator Robinhood Padilla.
Babaen iti SB 234, maipaayan ti civil service eligibility babaen iti sumagmamano a kondisyon dagiti government employees a casual wenno contractual service iti career service.
Segun ken ni Padilla, daytoyen ti gundaway a maipaay ti eligibility kadagiti napudno a casual wenno contractual employees ti gobierno tapno maikkan dagitoy ti oportunidad a manggundawya iti nangatngato a posisyon, mapapigsa ti morale da ken mapagtalinaed ti motibasyon da iti trabaho kasta nga isu ti makatulong ti serbisyo iti publiko.
Basar iti datos manipod iti Civil Service Commission (CSC), kuna ni Padilla a 660,390 manipod iti 2.4 million a government employees sipud 2017 ket adda iti babaen ti “job order” wenno “contract of service” status.”
Kuna na a kaaduan a casual wenno contractual government employees ket saan a makaala ti regular employment gapu ta saan da a civil service eligible.
Inbatad ti senador nga adda dagiti special laws, regulations ken orders a mangipalubos iti CSC a mangited ti eligibility kadagiti “qualified individuals.”
Daytoy ket pakairamanan ti bar/board eligibility, barangay health worker eligibility, barangay nutrition, scholar eligibility, barangay official eligibility, electronic data processing specialist eligibility, foreign school honor graduate eligibility, honor graduate eligibility, Sanggunian member eligibility, scientific and technological specialist eligibility, Skills Eligibility Category II ken Veteran Preference Rating, he said.
Babaen pay iti SB No. 234, dagiti casual or contractual employees ket makaala ti benefit apaman a maaddaan kadagiti requirements.
Sumagmamano kadagitoy ket ti panagisubmitir iti certificate of no pending administrative case ken no conviction for any offense or crime involving “moral turpitude, disgraceful or immoral conduct, dishonesty, examination irregularity, drunkenness or addiction to drugs.”
Masapol pay nga awan ti dishonorably discharged manipod iti military service wenno dismissed for cause manipod iti aniaman a civilian position iti gobierno.
Karaman iti gakat ni Padilla ket ti casual wenno contractual employees nga addaan ti first level career civil service positions iti clerical, trades ken custodial service a pakairamanan ti non-professional wenno sub-professional work iti non-supervisory wenno supervisory capacity.
