LAOAG CITY – Saan nga ikonkonsiderar ni Sen. Raffy Tulfo nga agpaidasig ti pagilian a para kenkuana ket maysa a sakit iti ulo.
Segun ken ni Tulfo, iti agdama ket ik-ikkanna ti importansia ti trabahona kas Senador.
Inbatadna a sakit iti ulona ti panagpaidasig kas Presidente nangruna ket nakaad-adu ti fake news a mangak-akusar kenkuana.
Inlawlawag ni Tulfo nga agduma ti panagpaidasig iti kangatoan a posision iti panagtaray kas maysa a Senador.
Maipapan iti naub-ubing a kabsatna a ni ACT-CIS Rep. Erwin Tulfo, kuna ti Senador nga ipabus-oyna kenkuana ti desision no agpaidasig wenno saan inton 2025 senatorial race.
Innayon ni Tulfo a sanna a mabalin a lappedan dagiti kakabsatna no kalikagumda nga agpailayon gapu ta saan met tengngel ti panunot dagitoy.
