LAOAG CITY – Nagballaag ti maysa a legal expert a mabalin a sumango iti panagsungbat ni Sen. Robin Padilla mainaig iti panaglibas ni Sen. Ronald “Bato” dela Rosa manipud iti Senado kabayatan nga iwaywayat ti operasion ti National Bureau of Investigation tapno ipatungpal ti International Criminal Court arrest warrant.
Basar iti report, nakasagana ni Padilla a dumalan iti imbestigasion ken inpettengna nga awan ti ilegal nga inaramidna iti insidente ken sinurotda laeng ti maipatpatungpal a pagannurotan iti Senado mainaig iti koordinasion ken kasapulan ti court order sakbay ti aniaman a panangarestar.
Maipalagip a nagtungpal iti tension ti insidente kalpasan a ginandat nga ipatungpal ti National Bureau of Investigation ti International Criminal Court warrant kontra ken ni Dela Rosa nga adda iti babaen ti Senate protective custody.
Gapu iti daytoy, rimmuar ti isyu no adda ti napasamak nga obstruction of justice ken no asino ti rumbeng a mapagsungbat.
Iti babaen ti Presidential Decree 1829, mabalin a makasoan ti asinoman a tumulong iti maysa nga indibidual tapno makaliklik iti panangarestar.
Nupay kasta, gudua dagiti legal expert no sakupen daytoy ti International Criminal Court warrant wenno limitado laeng iti domestic criminal cases.
Kabayatanna, adda dagiti mangibagbaga a mabalin nga umabot ti panagsungbat iti dadduma pay nga opisial ti Senado depende iti agbalin a desision ti korte ken iti interpretasion ti nagbalin nga insidente dagiti otoridad.
