LAOAG CITY – Adda ti pannakaalarma ni Senador Erwin Tulfo iti agtultuloy a panangusar ti sistema nga “endo” kadagiti mangmangged a saan a mangipapaay ti proteksiyon iti kinalaing da ken mangpakaro iti kaawan ti job security.
Iti statement, inbatad ni Tulfo iti naiyuswat nga hearing ti Senate committee on labor, employment and human resources, a makaalarma unayen ti nalawa a panangusar ti “endo” scheme a mangdadael ti job security ken mangpabagsak iti dignidad ti minilyon a mangmangged.
Dinakamat pay ni Tulfo ti agtultuloy a panangabuso iti contractualization ken kaawan ti proteksiyon kadagiti mangmangged a Pilipino iti informal sector.
Kuna na a nalawag ti nailanad iti konstitusyon nga adda ti karbengan ti amin a mangmangged partikular iti right to security of tenure ken humane working conditions.
Inusar pay ni Tulfo ti sumagmamano a remarks dagiti legal experts ken labor advocates, mainaig iti contractualization ken endo scheme a kasapulanen a baliwan gapu ta mangpabagsak daytoy iti dignidad dagiti mangmangged.
