LAOAG CITY – Binallaagan ni Senador Grace Poe ti transportation officials a masapol nga agsagana dagitoy iti aniaman nga agbalin nga epekto ti Public Utility Vehicle Modernization Program ti gobierno.
Kagiddan iti daytoy ket kiniddaw ni Poe, chairman ti Senate Committee on Public Services, iti Department of Transportation (DOTr) a mangipasa ti komprehensibo a datos iti status, ken revised timeline ti Public Utility Vehicle Modernization Program.
Gagem pay ti senador a maamoan ti updated statistics iti consolidated jeepneys; bilang dagiti ruta a maserbisyoan da, alternatibo a ruta, ken contingency plans para kadagiti commuter.
Kiniddaw na pay iti Transportation Department a mangidatag ti plano para kadagiti drayber a mapukawan ti pagbiagan gapu iti nasao a programa, ken ti status ti implementasyon dagiti assistance programs ti ahensya.
