LAOAG CITY – Inrakurak ni Senador Imee Marcos ti suporta na iti pannakaitantan ti 2026 Barangay at Sangguniang Kabataan Elections (BSKE).
Inpetteng na a nasaysayaat no ilatang paylaeng ti pondo para iti eleksyon kadagiti ad-adda a kasapulan ti pagilian.
Segun ken ni Marcos, ti mapatta-patta a P16 bilyon a budget para iti eleksyon ket mabalin nga usaren iti panangsolbar iti krisis iti langis ken dadduma pay a napapateg a serbisyo para kadagiti Pilipino.
Inpaganetget pay ti senadora a napatpateg ti panangitultuloy ti serbisyo iti barangay ngem ti panagpolpolitika aglalo iti agdama a sangsangwen a karit iti ekonomiya.
Maipalagip a namin-ado a daras a naitantan ti Barangay at Sangguniang Kabataan Elections iti napalabas a tawen no sadinno nga idi 2023, naitantan manipod iti Disyembre naipan iti Oktubre 2023, ken balbaliw manen a na-schedule ti 2026.
Nailawlawag a dagiti nailungalong no apay a kasapulan a maitantan ti eleksyon ket masansan a nakaibasar iti panagkasapulan a mailatang ti pondo iti ad-adda a kasapulan a programa ti gobierno.
