LAOAG CITY – Nagballigi dagiti otoridad a nangarestar iti maysa Senior citizen iti Brgy. Gabut Sur iti ili ti Badoc gapu iti kaso na a Reckless Imprudence Resulting in Damage to Property.
Ti suspek ket agtawen ti 60, naasawaan ken residente iti Brgy. Gabut Sur iti nasao nga ili.
Natiliw ti suspek babaen ti warrant of arrest nga inparuk-at ni Presiding Judge Ligaya Valdez Sulicipan iti Municipal Circuit Trial Court, First Judicial Region, Badoc-Pinili Ilocos Norte.
Nairekomendar ti 15 a ribu a pisos a pagpiyansa ti suspek para iti temporario a pannakawaya-wayana.
Kabayatanna, naipan iti suspek iti Rural Health Unit iti ili ti Badoc para iti medical examination sakbay a maisubli iti korte a naggapwan ti warrant of arrest.
