LAOAG CITY – Inrakurak ti Commission on Elections (Comelec) a balligi ti pannakaisayangkat ti simulation exercises para iti Bangsamoro Autonomous Region in Muslim Mindanao (BARMM) Parliamentary Elections iti tallo a lugar.

Basar iti Commission on Elections, amin a 10 a clustered precincts idiay Cotabato City, Maguindanao del Norte ken Tawi-Tawi ket nakairekord ti 100% a balligi no sadinno nga amin a butos ketnabilang ken naballigi a naipatulod ti resulta dagiti automated counting machine. Nakipaset pay iti simulation dagiti aktual a botante.

Indauloan da Commission on Elections chairperson George Garcia ken Commisioner Maria Norina Tangaro-Casingal ti panagobserbar iti inwayat a simulation ti automated election system nga usaren iti eleksion inton Setiembre 14.

Inbatad ni Garcia a nagbalin a naannayas ti panangipila ti kandidatura idi Mayo 5 agingga 7.

Kunana a daytoy ti umuna nga eleksion iti Bangsamoro nga addaan dagiti kandidato ken logo dagiti partido iti balota.

Inpasigurado ni Garcia a tuloy ti eleksion inton Setiembre 14.

RELATED ARTICLESMORE FROM AUTHOR