LAOAG CITY – Inpakaammo ni PMaj. Joseph Tayaban, Hepe ti Philippine National Police iti ili ti Badoc nga adda ti siyam a Barangay iti nasao nga ili ti naideklara kas Drug-Cleared Barangay.
Segun kenkuana, karaman ditoy iti Brgy. Labut, Brgy. Bato, Brgy. Nagrebcan, Brgy. Alogoog, Brgy. Pagsanahan Sur, Brgy. Pasuc, Brgy. Mabusag Sur, Brgy. Sta. Cruz Norte ken Brgy. Lacuben.
Inbatadna a dagiti nadakamat a Barangay ket nakapasa iti Regional Validation and Deliberation idi Disiembre 20, 2022 ken naawat dagiti maseknan a Punong Barangay ken BADAC Chairmen.
Inlawlawagna nga iti Brgy. Gabut Sur ken Brgy. Mabusag Norte ket naideklara kas Cleared Barangay idi Hunio 2022 ken nakaawat ti Certificate of Drug-Cleared Barangay nga inawat dagiti Punong Barangay.
Kunana nga iti Resolution for the Retention of Drug-Cleared Status manipod iti Regional Oversight Committee for Barangay Drug Clearing Program ket ti Brgy. Ar-arusip, Gabut Norte ken Paltit no sadino dagitoy dagiti nagtalinaed kas drug-free status.
Kabayatanna, naiyawat dagiti certificates kadagiti maseknan a Punong Barangay babaen kada Municipal Mayor Maximo Cajigal, MADAC Chairman pakairamanan dagiti Sangguniang Bayan Members iti ili ti Badoc.
