IMAGE © SLAUGHTER HOUSE
LAOAG CITY – Inlawlawag ni Mr. Nathaniel Najorda, inspector iti Slaughter House ditoy ciudad ti Laoag ti alegasyon a nabangsit ti aglawlaw ti nasao a pasilidad.
Daytoy ket kalpasan nga adda iti naidanun a reklamo iti Bombo Radyo seknan ti nasao a banag.
Kuna na nga awan ti sabali a pakaikabilan dagiti rugit manipud ti pagpartyan rason a maikabil iti likudan ti slaughter house.
Segun kenni Mr. Najorda, adda ti nakali a nauneg nga abot iti likod nga isu ti pakaipanan dagiti rugit ken magaburan iti daga agingga nga in-inot a mapunno ti nakali nga abot.
Inlawlawag na pay a no mapunno ti nakali nga abot ket addanto manen ti makali a sabali nga abot a pakaikabilan dagiti rugit manipud ti pagpartyan dagiti maseknan.
Innayon ni Mr. Najorda nga adda kuma iti sabali a lugar a pakaikabilan dagiti rugit nga adayu kadagiti pagtaengan.
