Inbatad ti Foreign Ministry iti South Korea a mangisayangkatda ti imbestigasion iti ‘online leakage’ ti personal nga inpormasion da President Lee Jae Myung ken 160 pay nga opisial.
Basar iti local media, nai-upload iti maysa a website idi Hunio dagiti personal details pakairamanan ti passport numbers iti first couple ken dagiti senior official a kadua ni Presidente Lee iti maysa nga overseas trip idiay Europe ken nagtalinaed ti file nga accessible iti agarup 5 a bulan.
Mainaig iti daytoy, awan pay nalawag nga inpormasion no siasinno ken ti rason no apay nai-upload.
Nupay kasta, nai-renew dagiti passport dagiti maseknan ken naikkat iti website dagiti na-expose nga inpormasion.
Segun ken ni foreign ministry spokesperson Park Doo-soon nga ibilang da ti insidente kas data leak imbes nga hacking attack ken manarimaan ti panagtingitingda kadagiti computer ken email accounts a nausar iti panagsagana ti presidential trip.
