LAOAG CITY – Indeklarar ni South Korean President Yoon Suk Yeol ti martial law iti nadakamat a pagilian kalpasan ti nagbalin a pangta ti North Korean communist forces.
Daytoy ti kaunaan a gundaway a naipatungpal ti martial law iti South Korea.
Saan a dinakamat ni Yoon no ania ti pangta manipod iti nuclear-armed a North Korea no di ket nakatutuk kadagiti kalaban na iti pulitika iti pagilian.
Iti babaen ti martial law ket maipawil ti aniaman nga aktibidad iti parliyamento ken political parties idinto a dagiti media ken publishers ket adda iti babaen ti kontrol ti martial law command.
Sinerraan metten dagiti pulis dagiti pagserkan kadagiti pasdek ti Parliamento.
Maipalagip a sumangsango ti kontrobersyal ti asawa ni Yoon gapu iti kurapsyon kangrunaan na ti stock manipulation ken panagawat kadagiti nababalor a bag.
Iti napalabas a bolan ket nagkiddaw ni Yoon ti pammakawan iti publiko gapu iti inaramid ti asawa na.
Naamoan a plano dagiti opposition leaders nga i-impeach dagiti cabinet members kangrunaan na dagiti government audit agency gapu iti pannakapaay da a nagimbestigar kontra iti 1st lady. Sipud nagtugaw idi 2022 ket sumangsangon ni Yoon ti kontrobersyal iti panangabak na iti People Power Party ken inabak na ni Lee Jae-myung
