LAOAG CITY – Inlawlawag ni House Speaker Bojie Dy III a saanna a pakibiangan ti agbalin a resulta ti deliberasyon ti impeachment complaints kontra ken ni Vice President Sara Duterte.
Inpetteng ti Speaker a pabus-oyan na a maiyuswat ti proseso a patas ken addaan ti transparency.
Kuna pay ni Dy nga aramiden ti Kamara de representantes ti obligasyon na nga addaan ti propesyonalismo ken napudno iti konstitusyon.
Innayon na a ti impeachment ket maysa a proseso a konstitusyonal ken saan a political wenno panangusig iti babaen ti publiko.
Mainaig iti daytoy, kuna ni Dy a responsibilidad ti kamara de representantes nga establisaren no adda ti umdas a porma ken substansiya dagiti reklamo.
Inpaganetget ni Dy a saan a personal nga isyu wenno awan ti kankanunungan da no di ket panangrespetar kadagiti institusyon ken iti Konstitusyon.
Segun pay ken ni Dy, adda ti karbengan ti Bise Presidente iti patas a proseso ken due process, idinto a dagiti nagpila ti reklamo ket rumbeng laeng a mangngegan kas maiyataday iti linteg.
