LAOAG CITY – Inaprubaran ti Sang. Panlalawigan ti draft provincial resolution number 2023-07-173 para iti pannakaideklara ti Ilocos Norte iti State of Calamity gapo iti epekto ti Bagyo Egay.
Daytoy ket babaen iti panangidaulo ti Presiding Officer a ni Vice Gov. Cecilia Araneta Marcos.
Inaprubaran daytoy dagiti presente Sang. Panlalawigan Member.
Segun kenni Philippine Councilors League National President Handy Laoag, indeklara da daytoy gapo pay laeng iti mapaspasaran a napigsa a tudo ken angin ditoy probinsya gapo ti bagyo.
Inbatad na a babaen iti deklarasyon ket mausar ti calamity fund ken tapno makatignay a dagus ti gobernador ken dagiti nagduduma a mayor ditoy probinsya.
Mangnamnama met daytoy nga agbalin a natalged amin a residente ditoy Ilocos Norte ken kabangibang a probinsya.
