LAOAG CITY – Inlawlawag ti Sugar Regulatory Administration (SRA) nga awan ti panagkurang ti supply iti asukar iti laksid a saan nga agangkat agingga iti first half ti tawen 2026.
Segun kenni SRA administrator Pablo Azcona, addaan ti pagilyan ti makaanay a buffer stock gapo ta mangrugi ti milling season iti bulan ti September.
Inbatad na nga addaan pay ti uppat a milyon a bag iti bottlers grade refined sugar a naka-reserba isut gapo na a kumpleto ti reserve stocks ken manarimaan pay ti local manufacturing daytoy.
Innayon na nga iti napalabas a tallo a tawen ket stable ti suplay ti asukar isut gapo na nga awan ti rumbeng a pagamkan ti publiko.
Iti laksid ti rakurak na nga awan ti panagkurang ti suplay ti asukar, kunana nga adda latta met dagiti plano da nga aramiden no bilang mapasamak ti pagamkan ti kaadoan.
